ரஜினிகாந்த் நடிப்பில் கடந்த 2007ஆம் ஆண்டு வெளிவந்த திரைப்படம் சிவாஜி. சங்கர் இப்படத்தை இயக்கியிருந்தார். இப்படம் தான் தமிழ் சினிமாவில் முதன் முதலில் ரூ. 100 கோடி வசூல் செய்தது.
இதை தொடர்ந்து கமல் ஹாசன் நடிப்பில் வெளியான தசாவதாரம் திரைப்படம் ரூ. 100 கோடி வசூல் செய்து இரண்டாவது இடத்தை பிடித்தது.
இதன்பின் வெளிவந்த எந்திரன் படமும் ரூ. 100 கோடிக்கும் மேல் வசூல் செய்திருந்தாலும் அதுவும் ரஜினியின் படமாகவே அமைந்துவிட்டது.
இந்நிலையில், ரஜினி, கமலுக்கு பின் தமிழ் சினிமாவில் ரூ. 100 கோடி வசூல் செய்த ஒரே நடிகர் சூர்யா மட்டும் தான்.
ஆம், ஏ.ஆர். முருகதாஸ் இயக்கத்தில் வெளிவந்த 7ஆம் அறிவு திரைப்படம் தான் தமிழ் சினிமா பாக்ஸ் ஆபிஸில் ரஜினி, கமலுக்கு பின் ரூ. 100 கோடி வசூல் செய்த படமாகும்.
இதற்க்கு பின் தான் விஜய்யின் துப்பாக்கி திரைப்படம் ரூ. 100 கோடி வசூல் செய்தது குறிப்பிடத்தக்கது.
