நாடாளுமன்றத்தைப் பிரதிநிதித்துவப்படுத்தாத 7 அரசியல் கட்சிகளுக்கு தேர்தல் சட்ட சீர்திருத்தங்களுக்காக நியமிக்கப்பட்டுள்ள விசேட குழுவினால் அழைப்பு விடுக்கப்பட்டுள்ளது.
இதற்கமைய குறித்த குழு இன்று நாடளுமன்ற வளாகத்தில் சபை தலைவர் அமைச்சர் தினேஷ் குணவர்தன தலைமையில் பிற்பகல் 2 மணிக்கு கூடவுள்ளதாக நாடளுமன்ற
தகவல் தொடர்பாடல் திணைக்களம் குறிப்பிட்டுள்ளது.
அத்துடன் தேர்தல் சட்டங்கள் மற்றும் தேர்தல் முறைமை தொடர்பில் பொருத்தமான சீர்திருத்தங்களை அடையாளம் காண்பதற்கும், தேவையான திருத்தங்களை பரிந்துரை செய்வதற்குமே குறித்த குழு நியமிக்கப்பட்டுள்ளது.
மேலும் இவ்வாறு அழைப்பு விடுக்கப்பட்ட கட்சிகளில் லிபரல் கட்சி, அகில இலங்கை தமிழர் மகா சபை உட்பட 6
கட்சிகள் இவ்வாறு தமது பங்களிப்பை உறுதிப்படுத்தியுள்ளன என்பதும் குறிப்பிடத்தக்கது
