இந்து சமுத்திரத்தில் கடலுக்கு அடியில் காணப்படும் இணையதள வசதியை வழங்கும் சர்வதேச நீர்மூழ்கி கேபிள் கட்டமைப்பிற்கு கோளாறு ஏற்பட்டுள்ளது.
இந்நிலையில் குறித்த சர்வதேச நீர் மூழ்கிக் கேபிள் அமைப்பானது உலகின் பல்வேறு நாடுகளுக்கு தேவையான இணைய வசதிகளை இணைக்கின்றது.
அத்துடன் வங்காள விரிகுடாவை அண்டிய கடற்பகுதியில் ஆழ்கடலில் பாதிக்கப்பட்டுள்ள இந்த நீர்மூழ்கி வடத்தில் ஏற்பட்ட தொழில்நுட்ப கோளாறு காரணத்தால் அவ்வபோது கைபேசி மற்றும் அகன்ற அலைவரிசை இணைப்புக்களுக்கு பாதிப்பு ஏற்படக்கூடும் என்று கைபேசி சேவை வழங்கும் நிறுவனம் அறிவித்துள்ளது.
மேலும் இந்த தொழில்நுட்ப கோளாறை சீர் செய்ததற்கு எவ்வளவு காலம் தேவைப்படும் என மதிப்பிட முடியாது எனவும் அந்த நிறுவனம் தெரிவித்துள்ளது.
