ஒவ்வொரு பிரதேச செயலகத்தை மையமாகக் கொண்டு லங்கா சதொச விற்பனை நிலையங்களின் புதிய வலையமைப்பை நிறுவ வர்த்தக அமைச்சு நடவடிக்கை எடுத்துள்ளது.
இந்நிலையில் சந்தையில் தட்டுப்பாடு மற்றும் விலை ஏற்ற இறக்கத்தை தடுக்க புதிய வலை அமைப்பை அமைக்க அமைச்சகம் முடிவு செய்துள்ளது.
அத்துடன் உள்ளூர் உற்பத்திகளுக்கான சந்தையை விரிவுபடுத்தவும், தரமான இறக்குமதி மற்றும் உள்ளூர் பொருட்களை நுகர்வோருக்கு நியாயமான விலையில் வழங்குவதற்கும் குறித்த திட்டம் பிரகடனப்படுத்தப்பட்டது.
மேலும் லங்கா சதொச விற்பனை நிலைய வலையமைப்பை 2022ஆம் ஆண்டு இறுதிக்குள் நாட்டில் உள்ள அனைத்து பிரதேச செயலகங்களையும் உள்ளடக்கும் வகையில் 1000 ஆக விரிவுபடுத்துவது தொடர்பில் கவனம் செலுத்தப்பட்டுள்ளதாக வர்த்தக அமைச்சு மேலும் தெரிவித்துள்ளது.
