தமிழ் திரையுலகில் முன்னணி நடிகரான சிவகார்த்திகேயன் நடிப்பில், சிபி சக்ரவர்த்தியின் இயக்கத்தில் அண்மையில் வெளியான படம் ‘டான்’. இப்படம் ரசிகர் மத்தியில் பெரும் வரவேற்பை பெற்றதோடு மட்டுமல்லாமல் பாக்ஸ் ஆபிஸில் ரூ.100 கோடிக்கு அதிகமாக வசூலித்து சாதனை படைத்துள்ளது.
இதைத்தொடர்ந்து, சிவகார்த்திகேயன் தற்போது நடித்து வரும் திரைப்படம் எஸ்.கே.20-யின் அப்டேட் வெளியாகியுள்ளது.
தெலுங்கு, ஜாதி ரத்னாலு படத்தின் இயக்குனர் அனுதீப் கேவி இயக்கும் இப்படத்தில் உக்ரைன் நடிகை மரியா, சத்யராஜ் ஆகியோர் முக்கிய கதாபாத்திரங்களில் நடித்து வருகின்றனர். தமன் இசையமைக்கும் இப்படத்திற்கு மனோஷ் பரமஹம்சா ஒளிப்பதிவு செய்கிறார்.
எஸ்.கே.20 படத்தின் படப்பிடிப்பு புதுச்சேரியில் நடந்து வரும் நிலையில் படத்தின் ரிலீஸ் தேதி குறித்த அறிப்பை படக்குழு வெளியிட்டுள்ளது. அதன்படி, ஆகஸ்ட் 31-ஆம் தேதி விநாயகர் சதுர்த்தியன்று எஸ்.கே.20 வெளியாகும் என தெரிவிக்கப்பட்டுள்ளது.
இப்படத்தின் பர்ஸ்ட் லுக் மற்றும் அப்டேட்கள் விரைவில் வெளியாகும் என படக்குழுவினர் அறிவித்துள்ளனர். மேலும், இப்படம் தமிழ், தெலுங்கு என இரு மொழிகளிலும் ஒரே நேரத்தில் வெளியாவுள்ளது குறிப்பிடத்தக்கது.
