இந்த ஆண்டில் உள்ளுராட்சி தேர்தலை நடத்துவதற்கான சாத்தியக் கூறுகள் காணப்படுவதாக தேர்தல்கள் ஆணைக்குழுவின் தலைவர் சட்டத்தரணி நிமல் ஜி.புஞ்சிஹேவா தெரிவித்தார்.
இந்நிலையில் மக்களின் இறையாண்மை என்பது வாக்கு.
தற்போது உள்ளூராட்சி மன்றத் தேர்தல் விடயத்திற்கு பொறுப்பான அமைச்சரால் ஒரு வருடத்திற்கு ஒத்திவைக்கப்பட்டுள்ளது.
எவ்வாறாயினும், இந்த ஆண்டு செப்ரெம்பர் 20 ஆம் திகதிக்கு பின்னர் தேர்தலை நடத்த ஆணையத்திற்கு அதிகாரம் வழங்கப்படும்.
தேர்தல் ஆணையகம் என்ற வகையில் எந்த நேரத்திலும் தேர்தலை சந்திக்க தயாராக உள்ளோம்.
மாகாண சபைத் தேர்தலை நடத்துவதற்குத் தேவையான சட்டப் பிரச்சினைகளுக்கு நாடாளுமன்றத்தின் ஊடாகவே தீர்வு காணப்பட வேண்டும்.
ஒரு நாடு சுதந்திரமான மற்றும் நியாயமான தேர்தல்களை நடத்துவதற்கு தேவையான சூழல் உருவாக்கப்பட்டுள்ளது.
கொவிட் தொற்றுநோய் இருந்தபோதிலும், சுகாதார வழிகாட்டுதல்களைப் பின்பற்ற நாங்கள் தயாராக இருக்கிறோம் என்றும் குறிப்பிட்டுள்ளார்.
