கொழும்பு நகரில் சிறுவர்களை வேலைக்கு அமர்த்தியுள்ள விளைவுகளை கண்டறிவதற்கு நேற்றைய தினம் 30 இடங்கள் பரிசோதனை செய்யப்பட்டதாக காவல்துறை பேச்சாளர் சிரேஸ்ட பிரதிப் காவல்துறை மா அதிபர் அஜித் ரோஹன தெரிவித்துள்ளார்.
இதற்கமைய குறித்த சோதனை நடவடிக்கைகள் புலனாய்வு பிரிவின் தகவலுக்கு அமைய முகத்துவாரம் எத்தனை கொல்லப்பட்டு காவல்துறை பிரிவுகளில் முன்னெடுக்கப்பட்டுள்ளது.
அத்துடன் சிறுவர்களை பணிகளுக்கு அமர்த்தியுள்ள இடங்களை கண்டறிவதற்கு உரிய சுற்றிவளைப்புகள் மேலும் சில காவல்துறை பிரிவுகளில் இன்றும் முன்னெடுக்கப்படவுள்ளன.
அவ்வாறு சிறுவர்களை பணிக்கு அமர்த்துதல், வன்கொடுமைக்கு ஆளாக்குதல், துஷ்பிரயோகத்திற்கு உட்படுத்தல் போன்ற குற்றச் செயல்களுடன் தொடர்புபட்ட நபர்களுக்கு எதிராக கடுமையான சட்ட நடவடிக்கை எடுக்கப்படும் எனவும் அவர் சுட்டிக்காட்டியுள்ளார்.
மேலும் இது தொடர்பான சம்பவங்களை 0112 433 333 என்ற தொலைபேசி இலக்கத்திற்கு அழைப்பினை ஏற்படுத்தி அறிவிக்க முடியும் எனவும் அவர் குறிப்பிட்டுள்ளார்.
